19.九冬火夜（H） (第2/7页)



    側後方幾米開外，汽車鳴笛聲暴烈嘶吼，像猛獸失控前不耐煩的警告，慄得她產生玄妙預感，連帶紅繩也有了生命一般。

    敞篷Azure華貴優雅，四個大車燈銳利明晃，烏鴉依然故我的古惑，從來與座駕氣質相左。

    車門「砰」地甩上，龐傲骨架披皮革風衣，幾步來到兩人跟前，卸去黑超鷹瞵而視。

    沒等阿羽開口，被他攔腰摟緊，臉色邪戾，三分戲謔，叩拍男寵主薄弱臂膀。

    「你條友帶住隻狗響街度抄女仔牌啊？」

    對方還在癡等回復，誰想索女條仔半路殺出，搭訕失敗不知所措。

    「唔好意思喎...我...唔係...」

    「溝我條女？信唔信我將你隻狗抌出馬路？」

    男人兇眉怒目地宣示主權，嚇到對方抱緊虎仔後退。

    阿羽擔心他惹事鬥非，即刻製止：「喂，人哋都唔係咁嘅意思，你咪亂嚟！」

    他瞥了眼小女人，輕哼放軟：「靚仔，教精你啊，下次溝女之前問清楚，咪見到係女就上啊。」

    「Sorry   Sorry...打攪晒...」男生連聲道歉，飛也似地逃離。

    烏鴉擁阿羽入懷，察覺她有些悶悶不樂。

    「又嬲我呀？收咗工都唔識望下隔離。」

    「吊靴鬼咁跟住我啊？做乜唔call？」小怨氣欲藏掖更乍現，不願承認滿腹顧念。

    「嘻~唔跟又點知我女人畀狗公溝？」他心知肚明，安撫解釋：「都係一日無見咋嘛，我同阿Ray有嘢要做。」

    阿羽推開他胸膛，無由來一股醋意：「鬼知你係咪陪人哋去西九龍跑馬地約會啊？」

    「仲唔信？」黑髮間手指穿過，試圖拂走不安定：「我使呃你咩。」

    朱唇微抿，帶俏帶嬌細語咕噥：「你稟神都冇句真。」

    他遲到，但終於沒缺席，何苦兀自心猿意馬，言不由衷...

    街客來回行路，大部分不吝偷偷對Azure驚羨。

    一對情侶沿途經過，直盯着烏鴉座駕：「哇，架車好靚。」

    小拳王不覺意瞄向那女孩手裡大束粉瑰紅玫，自然沒有從烏鴉眼裡遺漏，遂牽起她手往Azure走近。

    車尾Bentley鐵標鋒芒一掠，揭開滿載花灼葉茸，芳菲清沁熏脾。

    肯亞玫瑰，繡球，桔梗…鮮妍欲滴欲燃，無多余虛假妝飾，鋪陳整廂。

    阿羽呆怔，眸孔失焦又回清澈，幾多心醉幾多神迷，惟見猛虎折枝嗅薔薇，拈起一朵舉在眼前。

    她接過，美得不現實。

    幾十個鐘，有一千種故作的不以為意，一萬種雷同的失落沮喪，被一種叫做陳天雄的驚喜沖散消弭。

    參差的黑棕色髮絲靠攏而至，腳下倏地懸空，烏鴉抱她落坐進花萼瓊盤中，俯下前軀濕吻兩片丁香荷璧。

    女人，嘴再硬，親起來還不是軟的...

    當兩人再次撇低全世界，烏鴉勁仞脊背受到敲打，起身扭頭，一名黑色警服的差佬正了正帽檐，官腔官調地通知他：「先生，呢度唔Park得車嘅，攬攬錫錫就去開房啦！」

    不愧是下山虎，兩手一攤，轉為嬉皮笑臉應付：「哇~阿Sir，你管交通仲管埋人哋拍拖？Kiss都唔得？」

    「我費事管你做大戲，總之嗱嗱啉走，如果唔係就開張牛rou乾俾你。」差佬是個四眼，生得茂裏木嘴樣，說話頗恃住有份與外表不相稱的信心架勢。

    「開啫~你以為幾百蚊張牛rou乾我鯁唔落？」

    「有錢唔係大晒！違例影響交通係咪你唔啱？最後警告，咪話我唔俾機會你，再唔走我就拖走你架車！」

    烏鴉脾氣沖將上頭，非得夾硬來：「超，扮大支嘢蝦D一等良民吖嘛，車我就擺響度，夠薑你咪拖囉。」

    四眼差佬提高嗓門，用警棍指着他：「眼斬斬咁唔認得我？」

    「點嘛？乜你一個白鮓都要響朵？你邊撚位啊？」

    「我就係上過周刊封面，靚坤都俾我拉低嘅灣仔槍神！」小小差人瞪圓綠豆眼，像是練習了無數遍的臺詞脫口而出，百試不爽。

    烏鴉剎那啞火，難怪...洪興，靚坤，灣仔槍神...一槍擊斃黑幫大佬，威名遠揚，那段時間霸佔了報紙新聞頭條