19.九冬火夜（H） (第4/7页)

我都話過?啦，佢同阿大一定係...嘿嘿~」

    肥屍杵杵飛仔樂腦門：「豬頭炳，得閒update下個死人腦，而家小拳王係我哋阿嫂嚟?！」

    「係啦係啦，阿嫂，喂，叫阿嫂啊！」

    「阿嫂！」

    齊刷刷異口同聲，阿羽窘蹙急眼：「你...你哋唔準亂嗌！」

    烏鴉不置一詞，渾然受用無窮，認定了細靚們的稱呼，存心眾目昭昭下摟抱她，激起吹哨呼喝不斷，與底樓看客嘈將一團。

    遠處龍睿倚靠欄桿，吸煙靜靜觀察，笑而不語，待天雄哥繑實扭捏的Raven過來，他遞了支Lucky   Strike：「又遲兩粒幾鐘...整口漒先。」

    「好彩~」烏鴉翻轉煙，倒拋入嘴夾住：「轉咗taste啊？做乜情人節都唔整件靚女嚟陪你？」

    Ray彈開芝寶蓋為他點火，掂在手中玩起tricks：「你以為香港D女仔咁容易溝啊？個個都好似Raven咁咩...」

    前晚暢聊至天明的娉婷啤酒妹Callen沒有聯絡過他，未免懷疑起自身魅力...

    「喺荷蘭嗰陣，你唔係講同美國嗰Heather訂咗婚啦咩？我仲以為你拉埋天窗添...掟煲嘞？」

    「掟煲唔掟蓋...」

    老死默契接梗：「得閒做下愛？」

    兩大型男相視，心照不宣爽朗大笑，烏鴉捶打他的肩：「睇嘢啦衰仔。」

    條仔與老細的對話聽來沒半點正經，阿羽直覺環境有恙，也不明他們葫蘆裏賣得什麼藥，當即托腮望向一樓。

    籠裏對抗的鬥士揮舞拳套，相互一左一右快攻，側閃回避，采取鉚釘式戰術貼抱，裁判大喊「分開」，其中一名甩開對手，左腿虛探，膝蓋略彎，弓身聳肩護頸，骨骼迅速張弛，看準對手平衡擺動期細微破綻，上前刺探突破，右手直拳俯沖，封堵慢了半拍，擊中下巴打得另一名倒退多步。

    「Taco仔！好嘢！」

    「我鐘意你啊Taco~加油！」

    「啊啊～Taco你真係冧巴溫~」

    在場大群女觀眾爆谷一樣蹦跳，高喊癡喚占了上風的拳手，阿羽這才理解，Taco仔長相濃眉英挺，酷似天王郭富城，健美的肌纖維撩得妞們五迷三道。

    她憨憨地偷喜，陳天雄搞黑市拳都玩港娛那套了？

    胳膊纏勾她項領，礪指撫摩耳後軟骨，烏鴉籲吐性感氣泡音：「呢個靚仔打得唔錯呢？你一味眼定定咁望到人哋實一實，就知你係個花癡。」

    「嗯，條靚仔你喺邊搵翻嚟嘅？」

    「佢早前跟條四高佬佳做嘢嘅，食過夜粥?，而家就跟咗我囉。」

    「夠沙pok啊你，孖吉字頭嘅人你都敢撬...」

    「落場同佢錬下？」陳天雄一句話挑招了她戰鬥賦性。

    回答乾脆利索：「啱曬心水~」

    更衣箱裏，阿羽的專屬戰袍、格鬥衫整潔摞疊，保存得嶄新完好，離開黑虎的日子，曾數度懷念...

    敗退她拳下的各種人，拓寫在生命激戰碑上，林林總總又活了一遍，所謂熱愛，有痛苦，有嚮往。

    一身搏擊行頭返世，收穫大量盛贊，緊實肌rou雋秀剛悍，泛麥色光澤尤勝往昔，神魄自腳底攀騰，氣貫長虹。

    龍睿不得不欽佩烏鴉的眼光，閱遍良莠，沒碰過這一型，見識了她動真格，美利堅家喻戶曉的羅芙洛可能都不是敵手，天生桀驁本色，令他無故尋覓到父親龍鴻笙的影子...

    拳賽點到爲止，一場爲女性觀衆準備的遊戲，全場歡欣喝彩吶喊，裁判舉起Taco仔手臂宣佈勝利。

    人堆裏赫然冒出個高挑的女人，閑庭信步穩若泰山地踱至籠內，脫下綢光粼粼的披風，低眉行禮不怒自威。

    Taco仔慧眼辯人，擡頭看向烏鴉，新大佬沉着首肯，他立刻心領神會，裁判識趣退到一邊，人群有如被施了咒，不約合同沉默寂靜。

    戰鬥來得有合刃之急，拳拳對決，虎嘯生風，Taco調整狀態，軀體前壓奇招進發，回身先貫鞭腿斜掃，練家子的快準狠勁遠高於任何一名對手，阿羽後仰躲閃，原地撤轉還他一記相同的腿技，Taco趔趄側退，那女武神暴衝至前，追雲見日初吟咆哮，刺拳狙擊接橫擺，訇然震開洞天，逼對方紮定下盤，爆發坦克型抗擊打能力，躲過她的後直，反向勾拳擦肩掠過。

上一页 目录 下一页