22.狼行尖東 (第7/7页)

腰扣抽出皮帶，繫繞金毛強的脖子斂緊，隨意掂枚尖礪的玻璃片抵刺他頸部大動脈，單槍匹馬與眾人僵持對峙。

    大天二和阿Sam後知後覺衝出廂房姍姍來遲，顧視一地傷殘，馬仔前言不搭後語，震悚無以復加。

    尖東霸主的領域從酒池rou林變硝煙戰場，原來區區一個女流就能辦到。

    罪魁禍首沒人點得出相，好兄弟面目全非不明生死，大天二急火攻心大喝：「靚妹你咪亂嚟！速速放開我兄弟先！」

    阿羽捻抹傷處血液順撥髮絲，看看他額眉那條延伸至左臉的細長刀疤，冷淡反問：「呢個場係你話事嘅？」

    「呢個場嘅陀地係洪興太子，你咁沙膽喺度攪事。」儘管上位與否仍是未知數，角逐揸fit人倒教會他老成持重，一班細靚前自是踴躍表態為洪興跳梁擔責。

    「甘子泰吖嘛，使撚你話我知啊，唔係你話事嘅就躝埋去一二邊。」

    大天二甚感受到踐辱，彎曲無名指與小指，挑明他的職位有資格擺譜：「我係洪興426梁二，你邊瓣?？」

    人命攸關還有閒情玩小兒科響朵，打仔洪興的確貨真價實，阿羽凜然一笑：「你哋洪興係人係鬼都亂鳩咁響，估426好大晒咩？」

    「我問你係邊瓣?！」

    「點嘛？懶係威咁，想我交寶印？不如你先啦。」

    古惑老sea   food道上規矩，掛招唸詩，尊卑一過便知，大天二困惑對方身份，訝異之餘也只得力撐社團招牌，耐怒忍性背起風詩。

    「好！說我是風不是風，五色彩旗在斗中，左邊龍虎...」

    不等他唸完整，阿羽左拳豎中指，像要畫個勁字在胸抑揚頓挫。

    「說我是流不是流，三河合水萬年流，五湖會合三合水，鐵鎖沉蛟會出頭。」

    馬仔們懵茫咋舌，舞槍弄棒個個在行，吟詩作對一竅不通，劈友劈出學問層次是何等血色浪漫，懊悔沒多讀幾筐書裝點強盜有文化的風範。

    差距，四九至大底的差距。

    接連繼續誦寶詩，阿羽直接打斷：?「唔使喺度床前明月光啦，我邊瓣都唔係，你無謂蘇乜叉歌裡，精嘅嗱嗱聲叫太子交陳志堅出嚟。」

    大天二錯愕，與阿堅有關？莫非他欠下什麼情債招致忿隘尋仇？也沒聽阿強提起胞兄泡了個身手狠辣的練霓裳...

    「你老母啊有心玩我哋？」

    「費事同你講，call佢過嚟！」

    一旁阿Sam眯眼蒙睃，咬耳低語：「我睇條靚妹可能畀阿堅飛咗。」

    不謀而合，大天二贊成他的分析，那些水rujiao融時用來助興的虛假山盟海誓，許是這烈女當了真。

    「嗱，過嘢都過咗啦，仲唔放人？感情嘅嘢無得勉強，你揼佢細佬出氣又踩佢大佬個場，以為咁樣佢就會肯翻去你身邊咩？」

    針砭時弊，有理有據，倘若不是現場劍拔弩張，阿羽極可能笑穿肺葉，再贈他倆一塊自以為是牌匾。

    「九唔搭八...你想拖幾耐都好，因住死人冧樓...」

    「玩嘢唔好玩大！你灼低咁多件唔使旨意走得甩，呢度一人一刀，驚你連掟煲費都無命攞！」

    她搖搖頭落力抻腰帶，拉得金毛強腦袋翻側快斷了綫，語結百丈冰：「刀痕仔，咪恃住馬多兇我，佢今日唔蒲頭嘅話，我保證佢細佬條命仔捱唔到天光。」

    最後通牒驟降室溫，殺伐兩方皆一念，賭誰先繃弦。

    漫遊者於慘綠子夜掌舵方向，驅馳廂車重機長龍化一尾金戈鐵馬疾駛奔行。

    鄰近堅拿道鵝頸橋段，烏鴉輕瞟車窗外，天穹齲洞飄落霢霂黑雨，與驚蟄日橋下祭白虎打小人的景象一般無垠吊詭，銅鑼灣夜空湊不出半片星光。

    他忽然想祈禱，若今晚槍林彈雨劫數難逃，啓明星會闖破深沉來告訴他，小拳王身處何方。

    ——————————————

    Jumbo還是沉了，畢生遺憾寫來紀念一下。

    武當老柴：Chateau   Mouton-Rothschild